Sipas statistikave së paku 17% e vajzave në Gjeorgji martohen para moshës 18-vjeçare, por kjo nuk mund të përcaktohet lehtësisht pasi regjistrohen ligjërisht disa vite më vonë.
Ata i zhvillojnë dasmat në kisha apo xhami duke e konsideruar çiftin e martuar sipas zakoneve dhe fesë.
Fotoreporterja Daro Sulakauri, e rritur në Gjergji thotë se një nga shokët e saj të klasës u martua kur ishin 12-vjeç. “Isha e shqetësuar, ndieja se ishte diçka e gabuar, por atëherë nuk e kuptoja dot se për çfarë bëhej fjalë”, shprehet ajo.
Sulakauri u rikthye pas disa vitesh në Gjeorgji ku u ftua të merrte pjesë në një dasëm ndërsa po martohej një vajzë e mitur. “Në fund të dasmës ajo filloi të qante. Dukej shumë e trishtuar”, tregon ai.
Martesat mes të miturave me burra të moshuar janë shumë të përhapura në Gjeorgji. “Ndiqet rrjedha. Ashtu si gjyshja e nëna edhe vajzat mendojnë se kjo është e vetmja rrugë e jetës”, rrëfen Sulakauri.
Një nga nuset që takoi ishte Layla,12 vjeç kur u martua dhe jetonte me familjen e bashkëshortit të saj. Sulakauri kujton se në bisedat e tyre të para, Layla ishte shumë e hapur. “Ajo kishte ëndrra për të ardhmen, dëshironte të bëhej stiliste”, tregon ajo.
Një vit më vonë, Sulakauri u ritakua me Laylan dhe gjërat kishin ndryshuar. “Ajo është bërë shtëpiake në moshën 13-vjeçare dhe nuk do të shkojë në shkollë kurrë”, thotë ajo.
, thotë ajo.
