Pas incidentit të ndodhur në KZAZ-ën e Kavajës, tre nga shtatë të arrestuarit janë lënë në burg.
Gjykata e Kavajës ka vendosur si masë sigurimi personal “arrest me burg” për shtetasit Arben Xhihani, Ervin Baklli dhe Elvis Duro.
Ndërkohë për shtetasit Daut Elmazin është dhënë masa “arrest shtëpie”, ndërsa për Dermisha Bukova, Lirim Dedja dhe Fadil Rustemlliu “detyrim paraqitje”.
Arrestimi i shtetasve të mësipërm erdhi pas përplasjes mes tyre dhe policisë në KZAZ-ën numër 42 Kavajë, aty ku tentuan të nxirrnin jashtë ambienteve të shkollës marerialet zgjedhore në zbatim të dekretit të Presidentit.
