Familja e boksierit legjendar Muhammad Ali kreu ritet për përcjelljen në banesën e fundit të të ndjerit. Ceremonia u krye sipas riteve të fesë islame, ndërsa mijëra njerëz iu bashkuan lutjeve në Freedom Hall Kentucky.
Më shumë se 14 mijë persona morën pjesë në ceremoninë tradicionale myslimane për nder të boksierit që ndërroi jetë në moshën 74 vjeçare.
Gruaja e katërt e tij, Lonnie dhe vajzat Laila dhe Hana, dhe mbesa Sydney, janë fotografuar brenda ambienteve të zymta ku po zhvillohej ceremonia. Në ceremoni ishin të pranishme edhe gruaja e tij e tretë dhe ajo e dytë.
Gruaja e parë ndërroi jetën në vitin 2005. Muhammad Ali vuante prej rreth 30 vitesh nga sëmundja e Parkinsonit, ndërsa ndërroi jetë të premten e shkuar.
