Ekspozimi në diell dhe përdorimi i pajisjeve për rrezitje artificiale shton gjasat për t’u prekur nga melanoma.
Melanoma është një lloj i rrezikshëm i kancerit të lëkurës. Duke ditur faktorët tuaj të rrezikut, mund të ndihmojë parandalimin e melanomës dhe zbulimin e hershëm të saj.
Instituti Amerikan i Kancerit thotë se faktorët e rrezikut për melanomë janë:
- Ekspozimi i theksuar në rrezet ultravjollcë të diellit. Kremrat mbrojtëse mund të ndihmojnë parandalimin e efektit të dëmshëm të rrezeve ultravjollcë në lëkurë.
- Përdorimi i solariumeve për rrezitje.
- Djegie të ashpra të lëkurës nga dielli dhe me flluska të formuara.
- Të jetuarit në një zonë ku dielli është i fuqishëm.
- Të pasurit histori personale ose familjare të kancerit të lëkurës.
- Të pasurit 50 ose më shumë “nishane të zakonshme” në lëkurë.
- Të pasurit lëkurë shumë të bardhë, e cila digjet me lehtësi.
/Mjeku.Net/
