Kryetari i PDIU, Shpëtim Idrizi në një intervistë për Abc News ka komentuar projektligjin për shpalljen e minoriteve si dhe aktivitet që PDIU do të zhvillojë në kudër të 76 vjetorit të genocidit grek, cilësuar si “Java çame”.
Idrizi në fjalën e tij ka theksuar se me 27 qershor ata do të jenë Kllogjer dhe do të zhvillojnë homazhe pavarësisht refuzimit të kërkesës së tyre nga qeveria.
“27 qershori është një ligj i njohur që në 94’, si një ligj i gjenocidit shqiptarëve të Çamërisë, dhe kjo e obligon qeverinë që ta kujtojë këtë datë si një çështje kombëtare. Ne i kemi thënë ministrisë së Kulturës që 27 qershori të jetë një ditë që të kujtohet me aktivitete të ndryshme, kemi kërkuar nga kryeministri që varresat e Klloqit të njihen me statusin e varresave historike, por ne bëjmë kërkesën dhe këtë status e marrin varresat greke. Ajo që do të ishte varresa e çështjes çame është mbulesa e kësaj çështje me harresë, por falë shqiptarëve dhe asaj që ne bëjmë kjo nuk është arritur pasi nëse një gjë e tillë do të kishte ndodhur atëherë do të ishte vrasje për çështjen çame. Në 27 qershor ne do të organizojmë homazhe në varrezat e Kllogjërit për 3 mijë shqiptarë të Çamërisë që vdiqën në atë zonë. Ne do të zhvillojmë këto homazhe pavarësisht refuzimit të kërkesës së tyre nga qeveria. ”, është shprehur Idrizi.
