Maskat mbrojtëse po bëhen gjithnjë e më të çmuara në Japoni, aq sa janë bërë edhe objekt vjedhjeje.
Në një dyqan në qytetin Kobe, policia mori një denoncim nga Spitali i Kryqit të Kuq për zhdukjen e katër kutive me maska mbrojtëse.
Kutitë që mungonin përmbanin 120 pako me maska mjekësore, vlera e të cilave shkonte rreth 335 euro.
Stafi i spitalit raportoi se mallrat e humbura ishin pjesë e stokut të urgjencës, ndërsa për momentin disponueshmëria është e mjaftueshme.
Javën e kaluar qeveria e Japonisë njoftoi se do të sigurojë ndihma financiare për kompanitë që dëshirojnë të investojnë në rritjen e prodhimit të maskave mbrojtëse, pas rritjes së kërkesës për shkak të përhapjes së koronavirusit.
Edhe në Hong Kong është regjistruar një rast I vjedhjes së letrave të tualetit, ndërsa në Kinë po bëhet e zakonshme zbrazja e rafteve të supermarketeve.
Alarm në anijen kozmike të nisur drejt Hënës? Astronautët lajmërojnë për “aromë djegieje” –
Një aromë e pazakontë, e përshkruar si “erë djegieje”, u raportua së fundmi nga tualeti i anijes kozmike Orion, pjesë...
