Krahasuar me dhjetorin rënia e importeve ishte mbi 34 përqind
Rënia e cmimeve të naftës bruto dhe të mineraleve të tjera janë ndikuesi kryesor në rënien që shënuan eksportet në muajin e pare të 2016. Sipas shifrave të raportuara nga INSTAT në janar rënia vjetore e eksporteve me 7,8 për qind është ndikuar në radhë të pare nga grupi “Minerale, lëndë djegëse, energji elektrike” i cili në vetvete ka një rënie vjetore me 9 përqind. Por uljen e eksporteve e kanë ndikuar edhe materialet e ndërtimit makineritë e pjesët e këmbimit. Ndërkohë rritja e volumit të eksportit të mallrave me fason si veshje e këpucëa po dhe e ushqimeve nuk kanë mundur të neutralizojnë rënien e madhe të eksporteve të mineraleve e naftës bruto.
Pesimiste ka qenë situate edhe për importet. Vecanërisht rënia e volumit të mallrave ushqimore të importuara con në dyshimin se edhe konsumi familjar vijon të jetë në rënie, cka nënkupton thellim të varfërisë.
Në terma të përgjithshme tregtare, sipas INSTAT në janar eksportet ishin në vlerën 16 miliard lekë, ose 8,1 për qind më pak se dhjetori 2015 dhe importet 35 miliard lekëo se 34,6 për qind më pak se dhjetori 2015. Rënia e madhe e importeve ka bërë që në krahasim me një muaj më pare bilanci tregtar të ketë përmirësim relativ, pasi në terma vjetore edhe ai është përkeqësuar me 5 për qind.
