Jamarbër Hoxha është shpallur “Lexuesi më i mirë” në Panairin e librit të këtij viti.
9-vjeçari i spektrit autik ka nisur të lexojë, qysh kur ishte 15 muajsh dhe deri më tani ka lexuar plot 100 libra.
I ftuar në “ABC-në e Mëngjesit”, Jamarbri ka treguar se di katër gjuhë të huaja, kurse nga letërsia botërore preferon Shekspirin dhe Ibsenin. Për sa i përket letërsisë shqipe, djaloshi thotë se pëlqen Dritëro Agollin dhe Ali Podrimen, të cilit ia mban mend vargjet.
Jamarbëri nuk sheh televizor dhe nuk luan lojëra elektronike, por lexon dhe kërkon në Google që të mësojë rreth gjenive të kësaj bote.
Ai është i jashtëzakonshëm në matematikë, njeh Teorinë e Relativitetit të Ajshtajnit dhe ëndërron të bëhet ekonomist që të punojë me numrat.
