Pasditen e sotme në emisionin “Ftesë në 5” me Bieta Sulon përmes një lidhje skype ishte i ftuar Ari Zeneli, shqiptari që jeton në Amerikë nga ku zbuloi për herë të parë orientimin e tij seksual.
Gjatë fjalës së tij ai ka pranuar se është panseksual, pra një njeri që dashurohet me karakterin e një personi tjetër pa dallim gjinie.
Gjithashtu, 30-vjeçari ka treguar se zgjodhi ta bënte për herë të parë këtë rrëfim në mënyrë publike edhe për prindërit e tij.
Sipas tij, këta të fundit do e mirëkuptojnë dhe do e përkrahin atë, për çfarëdolloj vendimi që ai ka zgjedhur të bëjë për vetën e tij.
Nga ana tjetër, Ari zbuloi se marrëdhënia e tij e parë ka qenë me një grua, por më pas ka pasur marrëdhënie edhe me burra.
së fundmi, i pyetur nga moderatorja ai është shprehur se do dëshironte të krijonte familje e të kishte fëmijë, qoftë biologjikë ose të birësuar.
