Në emisionin “Opinion” po diskutohet lidhur me ndërtimet në Tiranë si dhe për çmimet e shitjes së tyre.
Teksa paraqiti një grafikë të Google Earth, moderatori i emisionit “Opinion”, Blendi Fevziu tregoi si variojnë çmimet e metrit katror për banesat në zona të ndryshme të Tiranës.
Referuar të dhënave të publikuar në emision, zonat më të shtrenjta në Tiranë janë qendra në kryeqytet, Blloku dhe zona e “Vilave”.
“Ky informacion nga Google Earth që tregon pak a shumë se cilat janë zonat. Kjo është zona e Kombinatit ku sipas të dhënave paraprake lëviz nga 700-750 euro por mesatarja, jo pallati më i shtrenjtë apo pallati më i lirë. Zona e Astirit që lëviz 800 deri në 1 mijë euro, janë të dhëna të marra nga analiza e shifrave. Zona e QTU-së që shkon nga 750 në 1100 ndërkohë që Fusha e Aviacionit shkon nga 850 në 1100. Zona e Zogut të Zi 1200-1400, “Bulevardi i Ri”që shkon 1300-1400. Zona e sheshit “Skënderbej” në qendër që vërtitet 1800-2500 ndërtimet pak më të vjetra dhe rreth 3500-5000 euro ndërtimet më të reja, këtu është ndoshta çmimi më i lartë që ka Shqipëria për momentin. Ndërkohë është zona e “Bllokut” që është 2500 në 3000 euro metri katror dhe vjen zona e Qytet Studentit që varion 1100 në 1200. Në periferi pastaj që është zona e “Vilave” që lëvizin 2200 euro, ndërsa në zonat elitare ka çmim për njësi”,-tha Fevziu.
Cmimet per meter katror qe po shiten sot:
1.Tek Astiri 800-1000 euro
- Fusha e Aviacionit 850 – 1100 euro
- Zogu i Zi 1200-1400 euro
- Laprake 900-1000 euro
- Bulevardi I ri 1300-1400 euro
- Qendra 1800-2500 euro
- Rruga e Elbasanit 1300-3000 euro
- Qyteti student, Ali Demi 1100-1200 euro
- Blloku 2500-3000 euro
- Liqeni artificial, Rruga e Kosovareve 1300- 2200 euro
- Liqeni i thate , Kopshti Botanik 850- 1500 euro
- Zona e TEG apartamente 2000-2200 euro
13 Zona e TEG, Vilat – cmimi eshte me njesi, jo per m2
- Zona e Casa Italia, QTU 750-1100 euro
- Kullat moderne 3500-5000 euro
- Kombinat – 700-750 euro./Opinion/
