Kreu demokrat, Sali Berisha, u shpreh se ish-zv.Kryeministri dhe familja e tij janë kërcënuar.
Berisha tha se duhen marrë masa për të mbrojtur familjen e ish-zv.Kryeministrit dhe deputetit të PS-së, i cili u largua nga Shqipëria pak ditë para se Kuvendi të miratonte autorizimin për arrestimin e tij.
“Janë bërë kërcënime me jetë ndaj Arben Ahmetajt dhe familjes së tij, të merren masat për t’i mbrojtur”, tha Berisha.
Sipas tij, kërcënimet me jetë ndaj familjes së Ahmetajt që vërshojnë nga qelitë e burgjeve të Shqipërisë dhe zyrat e krimit të institucioneve shtetërore. Berisha tha se këto kërcënime dëshmojnë se Rama, Agaçi dhe Veliaj janë de facto dhe de jure, ligjërisht dhe penalisht, truri dhe ekzekutorët kryesorë të vjedhjes së shekullit.
“Ju bëj thirrje të gjithë hetuesve, prokurorëve, policëve, punonjësve të organeve të zbatimit të ligjit, që janë të interesuar në zbardhjen e të vërtetës rreth vjedhjes së shekullit, të marrin të gjitha masat për të mbrojtur familjarët, fëmijët, por edhe vetë Arben Ahmetaj.
Të dërgojnë aty ku ndodhet ky i fundit hetues, duke e pranuar atë si bashkëpunëtor të drejtësisë”, tha ai.
Kreu demokrat tha se afera e djegësave, e vlerësuar nga shqiptarët si vjedhja e shekullit, është njëkohësisht hetimi ose dështimi i shekullit.
“Pra, hetim i suksesshëm ose dështim i tmerrshëm i këtij hetimi.
Ndaj jam këtu sot për të denoncuar përpara shqiptarëve disa zhvillime me të cilat, kupola e mafies së plehrave po bën gjithçka për të ndikuar dhe për të penguar hetimin.
Së pari, u informoj se prej tre javësh, breshëri kërcënimesh me jetën e tij, të prindërve dhe familjarëve të tjerë, fëmijëve, vërshojnë nga të katër anët drejt Arben Ahmetajt.
Këto kërcënime kriminale dëshmojnë tmerrin dhe datën që Arben Ahmetaj u ka kallur Edi Ramës dhe Erion Veliajt si bosët kryesorë të vjedhjes së shekullit.
Me këto kërcënime ndaj Ahmetajt, Rama dhe Veliaj kërkojnë me çdo kusht që t’i mbyllin gojën që të mos i bëjë publike ndërhyrjet e Ramës dhe Veliajt si kupolë kryesore e vjedhjes së shekullit”, tha Berisha.
Duke folur për inceneratorin e Tiranës, i vendosur nën sekuestro nga SPAK, Berisha tha se banorët e Tiranës paguajnë 29 Euro/ton për incenerimin e mbetjeve, ata të Durrësit paguajnë gati 40 Euro/ton sepse shtohet edhe transporti.
“SPAK hezitoi gjatë edhe pse letrat i kishte mbi tavolinë.
Por SPAK nuk shpëton dot nga kjo aferë. Nuk mund të mos bëjë asgjë. Është i detyruar të bluajë zyrtarë të korruptuar si një mulli me erë nën presionin e erës së opinionit publik.
Maksimumi, mund të ndajë të bluajë kokrra të vogla zyrtarësh e të vonojë bluarjen e kokrrave të mëdha të ministrave, kryebashkiakut apo kryeministrit.
SPAK nuk mund të rrinte më duarkryq. Era e fortë e opinionit publik për milionat e eurove që po u grabiten shqiptarëve e detyron të rrotullojë gurin e blojës e të shkërrmoqë diçka.
Inceneratori është sekuestruar vetëm për siguri, por nuk është konfiskuar nga shteti.
Pra kompania mbetet e tyrja dhe paratë e durrsakëve dhe tiranasve vazhdojnë e shkojnë në xhepat e tyre.
Administratori shtetëror vetëm sa do të administrojë paratë e Zotos e Mërtirit. Nuk duhet te lejojë që të paguhen media për propagandë si deri tani, apo që Zoto e Mërtiri të tërheqin para për vete apo të paguajnë vila e pushime qeveritarësh.
Ama paratë mbeten ligjërisht të Zotos e Mërtirit, ndërkohë që sekuestrimi po përdoret nga Rama e Veliaj për të krijuar idenë e rreme të shtetëzimit dhe vënies në vend të drejtësisë”, tha Berisha.
Kreu demokrat, Sali Berisha, u shpreh se ish-zv.Kryeministri dhe familja e tij janë kërcënuar.
Berisha tha se duhen marrë masa për të mbrojtur familjen e ish-zv.Kryeministrit dhe deputetit të PS-së, i cili u largua nga Shqipëria pak ditë para se Kuvendi të miratonte autorizimin për arrestimin e tij.
“Janë bërë kërcënime me jetë ndaj Arben Ahmetajt dhe familjes së tij, të merren masat për t’i mbrojtur”, tha Berisha.
Sipas tij, kërcënimet me jetë ndaj familjes së Ahmetajt që vërshojnë nga qelitë e burgjeve të Shqipërisë dhe zyrat e krimit të institucioneve shtetërore. Berisha tha se këto kërcënime dëshmojnë se Rama, Agaçi dhe Veliaj janë de facto dhe de jure, ligjërisht dhe penalisht, truri dhe ekzekutorët kryesorë të vjedhjes së shekullit.
“Ju bëj thirrje të gjithë hetuesve, prokurorëve, policëve, punonjësve të organeve të zbatimit të ligjit, që janë të interesuar në zbardhjen e të vërtetës rreth vjedhjes së shekullit, të marrin të gjitha masat për të mbrojtur familjarët, fëmijët, por edhe vetë Arben Ahmetaj.
Të dërgojnë aty ku ndodhet ky i fundit hetues, duke e pranuar atë si bashkëpunëtor të drejtësisë”, tha ai.
Kreu demokrat tha se afera e djegësave, e vlerësuar nga shqiptarët si vjedhja e shekullit, është njëkohësisht hetimi ose dështimi i shekullit.
“Pra, hetim i suksesshëm ose dështim i tmerrshëm i këtij hetimi.
Ndaj jam këtu sot për të denoncuar përpara shqiptarëve disa zhvillime me të cilat, kupola e mafies së plehrave po bën gjithçka për të ndikuar dhe për të penguar hetimin.
Së pari, u informoj se prej tre javësh, breshëri kërcënimesh me jetën e tij, të prindërve dhe familjarëve të tjerë, fëmijëve, vërshojnë nga të katër anët drejt Arben Ahmetajt.
Këto kërcënime kriminale dëshmojnë tmerrin dhe datën që Arben Ahmetaj u ka kallur Edi Ramës dhe Erion Veliajt si bosët kryesorë të vjedhjes së shekullit.
Me këto kërcënime ndaj Ahmetajt, Rama dhe Veliaj kërkojnë me çdo kusht që t’i mbyllin gojën që të mos i bëjë publike ndërhyrjet e Ramës dhe Veliajt si kupolë kryesore e vjedhjes së shekullit”, tha Berisha.
Duke folur për inceneratorin e Tiranës, i vendosur nën sekuestro nga SPAK, Berisha tha se banorët e Tiranës paguajnë 29 Euro/ton për incenerimin e mbetjeve, ata të Durrësit paguajnë gati 40 Euro/ton sepse shtohet edhe transporti.
“SPAK hezitoi gjatë edhe pse letrat i kishte mbi tavolinë.
Por SPAK nuk shpëton dot nga kjo aferë. Nuk mund të mos bëjë asgjë. Është i detyruar të bluajë zyrtarë të korruptuar si një mulli me erë nën presionin e erës së opinionit publik.
Maksimumi, mund të ndajë të bluajë kokrra të vogla zyrtarësh e të vonojë bluarjen e kokrrave të mëdha të ministrave, kryebashkiakut apo kryeministrit.
SPAK nuk mund të rrinte më duarkryq. Era e fortë e opinionit publik për milionat e eurove që po u grabiten shqiptarëve e detyron të rrotullojë gurin e blojës e të shkërrmoqë diçka.
Inceneratori është sekuestruar vetëm për siguri, por nuk është konfiskuar nga shteti.
Pra kompania mbetet e tyrja dhe paratë e durrsakëve dhe tiranasve vazhdojnë e shkojnë në xhepat e tyre.
Administratori shtetëror vetëm sa do të administrojë paratë e Zotos e Mërtirit. Nuk duhet te lejojë që të paguhen media për propagandë si deri tani, apo që Zoto e Mërtiri të tërheqin para për vete apo të paguajnë vila e pushime qeveritarësh.
Ama paratë mbeten ligjërisht të Zotos e Mërtirit, ndërkohë që sekuestrimi po përdoret nga Rama e Veliaj për të krijuar idenë e rreme të shtetëzimit dhe vënies në vend të drejtësisë”, tha Berisha.
