Iu gjet në shtëpi një arsenal armësh, arrestohet ish-zyrtari i lartë i policisë

Një ish drejtues i strukturave të policisë në Maqedoninë e Veriut ka rënë në pranga pasi në shtëpinë e tij është gjetur një arsenal armësh.
është arrestuar ish-shefi i Stacionit policor të Tetovës Rauf R., pasi në shtëpinë e tij, sipas të dhënave të SPB së Tetovës, janë gjetur armë të ndryshme që personi në fjalë i ka poseduar pa leje.
“Në bazë të urdhrit gjyqësor, mbrëmë në orën 21:00 policia ka kryer kontroll në shtëpinë dhe hapësirat ndihmëse në rrugën “Andrej Stojanoviq” tek personi R.R. (63) nga Tetova. Gjatë kontrollit është gjetur dhe konfiskuar pushkë automatike, 29 plumba nga pusha automatike 7.62 mm, një pistoletë “glok” me shtatë plumba, 25 plumba pistolete të kalibrit 7.62 dhe shtatë plumba pistolete magnum 357″, deklaron MPB.