Disa familje mbetën në qiell të hapur basi banesat e tyre ishin pjesë e kompleksit që u dogj sot në Bulqizë. Vjola Dema, një prej banorëve, shtëpia e së cilës u shkrumbua krejtësisht. Në një prononcim për mediat, Dema pretendon se shkak i flakëve janë bërë linjat elektrike të amortizuara, të cilat nuk u rregulluan në kohë nga autoritetet.
“Sot kishin për të marrë komshinjtë kufomën time. Më fal se…Të punosh gjithë jetën dhe të digjet për 5 minuta, kësaj si i thonë. Merr restauron linjën e elektrikut se kanë qenë shumë të amortizuara, po patët mundësi thashë hajde shiheni njëherë, jo do vijmë sot jo do vijmë nesër, kur erdhën vetëm e kapi me një kapëse aty. Edhe boll. Me përtesë po erdhën. Unë kam marrë flakë e para. I njoftova me sekonda, njoftova Jetonin që kam përballë, ec i thash se u dogjëm, ishin në gjumë. Ora 12:30 e natës ishte…U bë kjo tani. E shkuar e harruar,” tha ajo, ndërsa i bëri thirrje qeverisë që t’i marrë parasyshë këto raste.
