Policia italiane ka arrestuar dy persona që përgjuan “e-mail”-et e kreut të Bankës Qendrore Europiane, Mario Draghi, ish-kryeministrin Matteo Renzi.
Bëhet me dije se Giulio Occhionero, dhe motra e tij Francesca Maria Occhionero, akuzohen se kanë vjedhur sekrete shtetërore dhe për pirateri kibernetike.
Dy të arrestuarit realizonin aktivitetin e paligjshëm të tyre me anë të një rrjeti kompjuterash të infektuar me virusin “eyepyramid”. Ky virus është i vjetër e ka nevojë për një ekip për ta përditësuar e mirëmbajtur, duke e bërë funksionues e të padukshëm.
Hetimet kanë vërtetuar se ata kanë përgjuar rreth 18 327 persona e të kataloguar nga ata në një database në 122 kategori të ndryshme.
Ekspertët thonë se dy të arrestuarit nuk janë fare të njohur në botën e piratëve informatikë dhe nuk mund të bëhesh kaq i zoti befas, pa e kuptuar askush.
