Pas ardhjes në Itali të ish- Presidenti Barack Obama, një turmë e madhe njerëzish në Milano kanë paguar rreth 850 euro për të dëgjuar fjalimin e tij.
Ish -Presidenti i SHBA, Barack Obama njihet si një nga liderët që ka fituar simpatinë e të gjithëve.
Ditën e sotme në Milano është “Obama Day”, pasi për herë të parë Obama udhëton jashtë vendit por tashmë jo si president i SHBA.
Obama ka përshëndetur qytetarët të cilët kishin dalë për ta parë, për ta përshëndetur apo dhe për të shkrepur një foto.
Ish presidenti i SHBA do të qëndrojë në Itali për dy ditë në sajë të një takimi ekonomik . Ai është i ftuari i nderit nga Seeds and Chips.
