Një stuhi e furishme ka goditur një ishull të Pantelleria, në Itali, duke shkaktuar vdekjen e dy personave dhe plagosjen e 9 të tjerëve. Autoritetet bëjnë me dije se stuhia ka shkaktuar shkatërrimin e dhjetëra makinave si dhe dëme të konsiderueshme. Stuhia ka ndodhur në mënyrë të papritur rreth orës 18 të datës 10 shtator, në zonën mes Campobello dhe Cala Cinque Denti.
Stuhia ka qenë aq e fuqishme sa ka shkaktuar dy viktima, që ishin brenda makinave të tyre dhe janë nxjerrë jashtë nga forca e madhe e stuhisë. Bëhet fjalë për një punonjës zjarrfikës 47 vjeç dhe një pensionist 86 vjeçar. Kryebashkiaku e shpalli të shtunën ditë zie.
