Policia italiane ka arrestuar një 32 vjeçar shqiptar, i cili furnizonte pjesën jugore të Brescia-s me kokainë.
Operacioni nisi pas njoftimeve nga disa banorë, të cilët informuan për një “Citroen C3” që përdorej për të transportuar drogën në zonën jugore të qytetit. Pasi ndoqën makinë e drejtuar nga shqiptar, duke kryer ndalesa të shumta për të dorëzuar porosinë, agjentët e policisë mbërritën në një bar, duke gjetur një qese plastike me kokainë të paprerë.
Në pranga përfundoi 32 vjeçari shqiptar si dhe menaxheri i barit.
Gjithsej, policia sekuestroi një kile e gjysmë drogë. Pas kërkimit të makinës dhe shtëpisë së tregtarit 32 vjeçar të drogës, u sekuestruan 130 gram kokainë, 1890 euro dhe 13 gram marijuanë.
