Të rinjtë e huaj kryejnë gati gjysmën e krimeve të rënda në Itali në grupmoshën 14-24 vjeç, sipas të dhënave nga Instituti Kombëtar i Statistikave të qeverisë italiane.
Shifrat janë vërtet tronditëse pasi për këtë grupmoshë të huajt përbëjnë 9.6 për qind të popullsisë. Megjithatë, emigrantët e rinj kryejnë 50,2 për qind të vjedhjeve, 48,1 për qind të grabitjeve, 47,7 për qind të dhunës seksuale dhe 40,4 për qind të sulmeve.
Në grupmoshën 18-24 vjeç, të huajt përbëjnë 11,2 për qind të popullsisë së vendit, megjithatë kryejnë 89,7 për qind të krimeve që përfshijnë shfrytëzimin e prostitucionit, 55,8 për qind të rasteve me dhunë seksuale, 52,8 për qind të grabitjeve, 52,4 për qind të vjedhjeve dhe 43.6 për qind e rasteve të dëmtimeve me qëllim të keq, shkruan Giuseppe Valditara për gazetën italiane Libero. Të dhënat nuk përfshijnë krimet e kryera nga italianët e brezit të dytë. Me fjalë të tjera, italianët e lindur nga prindër emigrantë nuk renditen si “të huaj” dhe përkundrazi shihen si qytetarë italianë.
Të dhënat ndihmojnë në largimin e nocionit se emigrantët kanë shkallë më të lartë krimi thjesht sepse përbëhen kryesisht nga meshkuj të rinj. Të dhënat këtu thjesht krahasojnë normat e krimit midis të huajve dhe vendasve që janë nga të njëjtat grupmosha dhe tregojnë se të huajt përbëjnë një pjesë masivisht disproporcionale të shkallës së përgjithshme të krimit.
ISTAT tregon gjithashtu se pjesa e krimit të kryer nga të huajt është rritur në mënyrë të vazhdueshme në dekadat e fundit. Në vitin 1990, të huajt përfaqësonin 2.5 për qind të të akuzuarve për krime ndërsa në vitin 2009, të huajt përfaqësonin 24 për qind të të akuzuarve për një krim. Kjo statistikë shqetësuese vetëm sa është përkeqësuar me kalimin e viteve.
