Një tjetër shqiptar ka humbur jetën në Itali, sipas mediave italiane viktima është Ervin Myrtaj 36-vjeç dhe shkak i vdekjes dyshohet të ketë qenë një atak kardiak.
Ai jetonte në shtetin fqinjë së bashku me bashkëshorten e tij me të cilën është përfshirë në një debat në shtëpi dhe në nerva e sipër ka zgjedhur të dalë jashtë për të shfryrë dufin, por pak minuta më vonë ka humbur edhe jetën.
Ka qenë pikërisht gruaja e tij ajo që e ka gjetur në grahmat e fundit të jetës afër makinës së tij në rrugën Cervetto të Coprniglianos aty ku edhe jetonin.
Ajo ka lajmëruar menjëherë ambulancën, por mjekët edhe pse i kanë dhënë ndihmën e nevojshme mjekësore nuk kanë arritur ta shpëtonin.
