Një ngjarje jo e zakonshme ka ndodhur në Itali, ku banorët e ish-Institutit Bujqësor në Via Cardinal Capranica, në Primavalle u përplasën me policinë.
Policia kishte shkuar në këtë zonë pasi kishte një urdhër për lirimin e banesave, por që ka ndeshur në rezistencën e fortë të banorëve të cilët janë treguar tepër agresiv dhe të vendosur.
Mediat italiane raportojnë se banorët ishin kryesisht emigrantë të huaj që kishin zabtuar banesat, ndërkohë që fatmirësisht, pavarësisht skenave të dhunshme dhe mjaft të rrezikshme nuk ka patur të lënduar.
Efektivët e Policisë u detyruan të përdorin maska dhe anti-gaz për t’u mbrojtur nga sasia e lartë e tymit dhe pluhurit të përhapur. Automjetet e blinduara të policisë u futën në rrugë duke përdorur hidrante zjarri për të shuar flakët e dyshekëve dhe koshave të vendosur nga banorët.
