Policia italiane ka arrestuar tre shqiptarë pasi akuzohen për grabitje të vazhdueshme në provincat e Udines dhe Poprdenone
Në pranga kanë rënë shtetasit David Toplana, 24 vjeç, banues në Forlimpopoli, Altin Marvataj, 30 vjeçar si dhe Sokol Molla, 30 vjeçar. Këtyre persona u janë regjistruar të paktën 12 grabitje nëpër shtëpi.
Shqiptarët të organizuar gjenin banesa të izoluara dhe në momentin që vinin re largimin e pronarëve dhe banorëve të tjerë nisnin aksionin.
Policia gjatë kontrollit në banesat e tyre gjeti rreth 3 000 euro mallra të vjedhura, kryesisht bizhuteri të vjedhura.
Në një nga rastet, një italian kishte lënë banesën pa roje pasi vazhdonte ceremonia mortore e vdekjes së babait të tij dhe kishte shkuar në varreza. Shqiptarët shfrytëzuan kohën kur në banesë nuk ndodhej njeri dhe vodhën sende me vlerë 50 mijë euro atje.
Shqiptarët kishin vjedhur dhe një kuti me hirin e një të vdekuri, duke menduar se aty kishte sende të vlefshme ari, por e kishin hedhur pasi në të nuk kishin gjetur gjë.
Grabitja e fundit është kryer më 13 janar, ku policia identifikoi tre burrat.
Gjatë grabitjeve, ata kanë përdorur një makinë “Audi A5 Coupe”, e sekuestruar.
