Sapo ka mbushur 17 vjeç dhe po trajtohet si një nga futbollistët me të ardhme të vlefshme për një skuadër të madhe. Flitet për Ismet Sinanin, i cili është thirrur nga skuadra e paratërinjve prej trajnerit Vinçenco Montela, për t’u bashkuar në seancat stërvitore me ekipin e parë të Milanit. Futbollisti shqiptar ishte më i vogli i grupit dhe ftesa ishte një befasi edhe për të. Ai luan në rolin e sulmuesit të parë, por është provuar edhe në krah, ku është përshtatur pa vështirësi, ndërkohë që është aktivizuar tek të gjitha skuadrat e moshave të Milanit, për të mbërritur si titular tek para të rinjtë. Sinani ka lindur në Beluno (Veneto), por në kategorinë U-17 ka luajtur për përfaqësuesen tonë.
