ISIS ka marrë përsipër autorësinë e sulmit terrorist në Londër. Shteti Islamik e quan autorin e sulmit “një ushtar të tijin”.
Pas sulmit në Londër ekstremistët lëvdojnë aktin dhe kërcënojnë me sulme të tjera.
Identiteti i autorit të sulmit ende nuk është bërë publik, por kryeministrja Theresa May deklaroi para deputetëve britanikë se ai nuk ishte në listën e personave nën mbikëqyrjen e shërbimeve inteligjente.
Nga sulmi i djeshëm gjetën vdekjen pesë persona, mes tyre edhe një oficer i policisë. Ndërkohë, autori i masakrës u ekzekutua në vendngjarje nga autoritetet e sigurisë.
