Nuk ka rëndësi shuma, por gjesti. Kështu thotë një shprehje që duket se është e vlefshme edhe në këtë rast.
Një ishull i vogël në Oqeanin Indian ka vendosur t’i dhurojë Kinës një shumë modeste prej 100 euro për të luftuar koronavirusin. Një delegacion i ishullit Comoros i udhëhequr nga dr. Ahamada Msa M’liva ia dorëzoi dhuratën simbolike ambasadorit kinez.
“Ne i dimë mundësitë që ka Kina, por me këtë gjest duam të tregojmë se sa të shqetësuar për kinezët ndihen comorosat”, tha dr. M’liva.
Kina ishte shteti i parë që njohu pavarësinë e ishullit të vogël nga Franca në vitin 1975. Ky ishull ka rreth 850,000 banorë.
/Newsbomb/
