Qeveria e Ishujve Barbados ka vendosur që të mos jenë më nën pushtetin e Mbretëreshës Elizabeta, pasi duan që të kthehen në Republikë.
“Ka ardhur koha që të lëmë pas të kaluarën tonë koloniale”, tha qeveria e shtetit që ndodhet në Karaibe.
Qeveria kërkon që brenda nëntorit të vitit 2021 Ishujt Barbados të kthehen ën Republikë, pasi ky muaj përkon me 55 vjetorin e pavarësisë së shtetit.
Në fjalimin e shkruar nga kryeministrja Mia Motley, thuhet se banorët duan një vendas në pozicionin e kreut të shtetit, ndërsa pallati “Buckingham” reagoi duke u shprehur se kjo çështje i përket vetëm popullit të Barbados.
Nëse Ishujt Barbados kthehen në Republikë, nuk do të ishin të parët nga shtetet ish-koloni të Britanisë, pasi Guajana e shpalli republikën në vitin 1970, katër vite pasi fitoi pavarësinë.
Në vitin 1976 ishte Trinidad e Tobago që bëri të njëjtën gjë, ndërsa dy vite më vonë u krijua edhe Republika Domenikane.
