Një punonjës policie ka tentuar të vrasë me armë zjarri person në Korçë.
Sipas njoftimit, polici me iniciale A.B., në gjendje të dehur dhe jashtë detyrës funksionale, është konfliktuar me personin e identifikuar me iniciale B. D., të cilin ka tentuar ta qëllojë me armën e zjarrit pistoletë, të cilin e disponon si punonjës policie.
Nga veprimet e para hetimore ka rezultuar se në momentin që punonjësi i policisë i ka drejtuar armën e shërbimit qytetarit B. D., ky i fundit ka mundur ta ndalojë duke i marrë armën nga dora, të cilën më pas e ka dorëzuar pranë shërbimeve të policisë.
Ndaj punonjësit të policisë janë referuar materialet hetimore në Prokurorinë pranë Gjykatës së Shkallës së Parë Korçë për veprën penale “Vrasje me dashje” mbetur në tentativë, parashikuar nga neni 76 dhe 22 të Kodit Penal. Hetimet vijojnë për zbardhjen e plotë të kësaj ngjarje.
