Një i ri nga Fieri është arrestuar ditën e sotme, pasi prej kohësh ai ishte kthyer në një makth të vërtet për tre vajza. Burimet bëjnë me dije se 25-vjeçari ka përndjekur 3 të reja, duke iu hapur faqe të ndryshme në emër të tyre në rrjetet sociale dhe iu bënte shantazh.
Mbi të riun rëndojnë veprat penale “Falsifikimi kompjuterik”, “Përndjekja” dhe “Mbajtja pa leje e armëve të ftohta” pasi në mënyrë të vazhdueshme ka përndjekur 3 shtetase dhe i ka hapur faqe në rrjetet sociale me emrat e tyre. Sakaq, bëhet me dije se nga kontrolli i ushtruar në automjetin e tij, Policia gjeti dhe sekuestroi një armë të ftohtë (elektroshot).
Materialet i kaluan Prokurorisë, për veprime të mëtejshme. Ndërkohë policia po merr në pyetje tre vajzat dhe gjithashtu po zbardhet dëshmia e të arrestuarit.
