Inspektoriati Shtetëror i Mjedisit dhe i Pyjeve gjobit pesë kryetarë bashkish me nga 5 milionë lekë të vjetra.
Në analizën e vitit 2016, kryeinspektori Ergys Agasi, tha se gjatë vitit 2016 nga Inspektoriati i Mjedisit janë kryer gjithsej 7353 inspektime, ose 58% më shumë krahasuar me vitin 2015 dhe se janë vendosur 15.3% më shumë gjoba se në 2015 me një vlerë monetare 7.9% më shumë se në vitin 2015.
Nga këto 5 masa me gjobë janë vendosur për kryebashkiakët e bashkive Pustec, Pogradec, Sarandë, Devoll dhe Librazhd të cilët janë gjobitur me një vlerë prej 500.000 lekë të reja secili.
Gjatë vitit 2016 u inspektuan subjektet e licensuara nga ana e Agjencisë Kombëtare të Mjedisit, për të parë realizimin e kushteve të kontratave që lidhin me operatorët që gjenerojnë mbetje spitalore për çdo qark.
Masa administrative me gjobë janë marrë edhe ndaj institucioneve publike shëndetësore për Spitalin Rajonal Korçë, Qendrën Shëndetësore Hekal, Mallakastër, Spitalin “Ihsan Cabej” Fier , Drejtorinë e Shëndetit Parësor Dibër dhe Drejtorinë e Shëndetit Parësor “Shkodër.
