Një ngjarje e rëndë është shënuar në Bolzano të Italisë, pasi 7 persona, ku mes tyre ka qenë një foshnje 4-muajshe, teksa po ecnin në sipërfaqen e ngrirë, e cila u thye për shkak të temperaturave në rritje të ditëve të fundit. Personat janë dërguar për trajtim në spital, pasi kanë shfaqur shenja të hipotermisë së rëndë. Të parët që ranë në ujë, ishte familja me foshnjën 4-muajshe dhe më pas personat e tjerë, të cilët ndërhynë për të dhënë ndihmë.
Shërbimet e urgjencës kanë ndërhyrë me shpejtësi në një operacion të furishëm shpëtimi, me ndihmë nga ajri, ku kanë arritur të shpëtojnë të gjithë personat, të cilët ndodhen në kushte të hipotermisë së rëndë. Ky është aksidenti i tretë dhe më i rëndë në dy ditë në liqenin Braies: ditën e Pashkëve, zjarrfikësve iu desh të ndërhynin dy herë për të shpëtuar disa njerëz që ranë në ujë duke ecur në sipërfaqen e ngrirë, të bërë më të brishtë nga rritja e temperaturave.
Në rastin e parë, në ujë përfundoi një grua milaneze që po ecte me qenin e saj, e ndjekur nga bashkëshorti i saj 60-vjeçar dhe vajza 30-vjeçare, të cilat gjithashtu ranë në përpjekje për ta ndihmuar. Të tre u dërguan në spitalin San Candido me lëndime të lehta dhe fillimin e hipotermisë. Një tjetër ndërhyrje për tre turistë të rinj nga Udine depërtoi akullin në bregun perëndimor dhe u shpëtuan nga disa kalimtarë, duke refuzuar më pas shtrimin në spital.
