Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Ish-ministri e krahason “Shengenin Ballkanik” me Unionin e Putinit: Firmëtarët lidhen me Rusinë

Nga Ejona 0

Ish-ministri i Jashtëm Tritan Shehu, e krahason marrëveshjen për 4 lëvizjet e lira të ashtuquajtur “Shengeni Ballkanik” mes Shqipërisë, Serbisë e Maqedonisë së Veriut me Unionin Ekonomik Euroaziatik të Putinit.

Në një postim në rrjete sociale, Shehu shprehet se prej dje Medvedev është në Beograd ku midis shumë marrëveshjeve konfirmohet edhe firmosja nga Serbia më 25 tetor në Moskë e Traktatit me atë Union.

Sipas Shehut, firmosja e atij Traktati nuk është pritur mirë nga SHBA si dhe nga Brukseli për papajtueshmëri me anëtarësimin në BE dhe dëmtim të integrimit europian të Rajonit, Serbia nuk tërhiqet nga rruga drejt Moskës.

Postimi i Tritan Shehut:

“Shengenit” ballkanik të Rama-Vuçiç po i “del tymi” tek Unioni Ekonomik Euroaziatik i Putinit.

Prej dje Medvedev është në Beograd ku midis shumë marrëveshjeve konfirmohet edhe firmosja nga Serbia më 25 tetor në Moskë e Traktatit me atë Union.

Megjithëse firmosja e atij Traktati nuk është pritur mirë nga SHBA si dhe nga Brukseli për papajtueshmëri me anëtarësimin në BE dhe dëmtim të integrimit europian të Rajonit, Serbia nuk tërhiqet nga rruga drejt Moskës.

Ndërkaq me parë Rama ka firmosur në Serbi vetëm me Vuçiç e Zaev e pa asnjë prezencë të Brukselit, një dokument komprometues për një “Shengen” ballkanik, alias “Jugosllavia e Re”.

Tashmë firmosja nga Beogradi e Traktatit me Unionin e Putinit, i ngjashëm ky në terma me ‘Shengenin” Rama-Vucic, bën që dhe ky i fundit me firmëtarët e tij të lidhet direkt apo indirekt me Rusinë, duke tentuar të shtyjnë Shqipërinë e Rajonin drejt Lindjes nëpërmjet Serbisë.

Të tilla politika të jashtme e Rajonale në kundërshtim me interesat tona jetike, europiane e Perëndimore, duhen ndalur.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej