Ish-ministri i Bujqësisë, Edmond Panariti duke iu referuar situatës së koronavirusit në vend ka bërë thirrje që të shpërndahet një paketë bonusi ushqimor për të moshuarit dhe familjet me ndihmë sociale.
Përmes një postimi në rrjete sociale Panariti shkruan se “Për të luftuar keq ushqyerjen si bazë e thyerjes së imunitetit dhe premisë e shpërthimit të virozave te njerëzit tanë. Të ushqejmë sa më plotë dhe mirë, grupet më kritike dhe më të pamundur të popullit tonë.Të paktën dhjetë mijë lekë te rinj në muaj, për një paketë ushqimore të balancuar energjitike, proteinike dhe vitaminike…”
Postimi i Panaritit:
Koha nuk pret!
Të miratohet dhe shpërndahet një paketë bonusi ushqimor për të moshuarit dhe familjet me ndihmë sociale.
Menjëherë që tani dhe gjithë vitin në vazhdim.!
Për të luftuar keq ushqyerjen si bazë e thyerjes së imunitetit dhe premisë e shpërthimit të virozave te njerëzit tanë.
Të ushqejmë sa më plotë dhe mirë, grupet me kritike dhe më të pamundur të popullit tonë.
Të paktën dhjetë mijë lekë të rinj në muaj , për një pakete ushqimore të balancuar energjitike, proteinike dhe vitaminike..
Amerika, këtë e bën edhe në kohë normale, për familjet me të ardhura të pakta. Për këtë ajo ka sistemin federal të food stamps (tollon ushqimor) të miratuar nga departamenti i Bujqësisë.
Ne ta fillojmë të paktën në situatë të jashtëzakonshme.
Nuk mbrohemi nga virozat, vetëm me izolim,karantinë e shtetrrethim por edhe me përforcim!
Ushqimi i balancuar është përforcimi, është barrikadë ndaj sëmundjeve!
Paketën ushqimore ta ndërtojnë nutricionistët dhe ta zbatojë pushteti lokal, i cili i ka listat e familjeve në asistencë dhe të moshuarve.
Ministria e Bujqësisë, të heqë kufirin e poshtëm të subvencionit për numër krerë të blegtorisë..
Të mos përjashtohet askush nga mbështetja, as ai që ka pesë apo dhjetë lopë apo dele e dhi.
Të hiqen TVSH për prodhimin bujqësor vendas deri në fund të këtij viti! Pa hezitim!
Koha është tani!
