Ish-mesfushori i Kombëtares, Klodian Duro ka qenë i ftuar në emision sportiv “Panorama Sport” në “Panorama TV”. Ai ka folur për ndeshjen e sotme Poloni-Shqipëri.
“Është një ndjesi e veçantë të luash për Kombëtaren. Është ndjesia më e mirë për çdo lojtar. Si çdo fillim i eliminatoreve është një ndjesi e veçantë, nuk do të jetë një ndeshje e lehtë. Për mua do të jetë e vështirë.
Është diçka tjetër kur e provon ekipin në një ndeshje miqësore, urojmë dhe shpresojmë të gjithë ta nisim me këmbën e mbarë. Mua më pëlqen e gjithë atmosfera që është krijuar me ardhjen e trajnerit të ri. Sylvinho dhe Zabaleta kanë lënë gjurmë të mëdha në futboll, futbollistët do të jenë të motivuar”, u shpreh Duro.
/Panorama
