Ish-kryebashkiaku i Lezhës, Fran Frrokaj është paraqitur ditën e sotme në SPAK. Duke ju përgjigjur interesit të gazetarëve, Frrokaj ka deklaruar se është ‘paraqitur për punët e tij’, ndërsa është ende i panjohur shkaku i thirrje së tij. Kujtojmë se Fran Frrokaj u dënua nga Gjykata e Lezhës, për tjetërsimin e pronave në Shëngjin.
Kujtojmë se ish-kryebashkiaku i Lezhës Fran Frrokaj është dënuar me katër vite burg nga Gjykata e Rrethit Gjyqësor Lezhë. Kryebashkiaku i Lezhës Fran Frrokaj u arrestua në muajin mars të vitit 2018 me akuzën e shpërdorimit të detyrës, ndërsa më pas gjykata vendosi që ai të hetohet në gjendje të lirë.
Fran Frrokaj dhe zyrtarët e arrestuar akuzohen se në bashkëpunim me njëri tjetrin duke abuzuar me detyrën kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”.
