Deputet i Partisë Popullore Republikane të Turqisë për Antaljan, dikur kryetar i saj, është pyetur dje nga gazetarët se ç’mendon tani në lidhje me kurthin që iu ngrit 6 vite më parë dhe që e detyroi të jepte dorëheqjen nga kryesia e partisë, u përgjigj se beson ende në sinqeritetin e fjalëve të ngrohta të atëhershme të Fethullah Gylenit.
Deputeti Bajkall, i cili njihet edhe si ish-kreu i partisë më të madhe opozitare në vend, PPR-së, u pyet nga gazetarët, ndër të tjera, edhe për “çështjen e kasetave”.
Ish-kreu i PPR-së u detyrua disa vite më parë që të jepte dorëheqjen si pasojë e një kurthi të ngritur përmes një kasete që thuhej se përmbante materiale që përbënin skandal për kreun e opozitës. I pyetur prej gazetarëve në lidhje me ecurinë e çështjes së atij komploti, Bajkalli është shprehur se pas grushtit të shtetit të mbetur në tentativë të 15 korrikut, çështjet kanë filluar t’i lidhin me njëra-tjetrën. Thuhet se ka rreth 89 të dyshuar që mund të kenë marrë pjesë në të. “Megjithatë unë dua të theksoj se i besoj ende sinqeritetit të mesazhit të shprehjes së dhimbjes dhe mbështetjes që më erdhën nga Pensilvania. I qëndroj ende kësaj deklarate që kam thënë vite më parë,” – është shprehur ai. – I qëndroj sërish të njëjtit mendim, sepse ato fjalë m’u thanë në 2010, atëherë kur këta ishin bashkë dhe të pandarë nga njëri-tjetri, me Erdoganin, nuk kishte fare pse të më ngushëllonte, nëse do të kishin qenë ata organizatorët.”
Gazetarët kanë këmbëngulur që si është e mundur, kur janë “provuar” kaq shumë gjëra deri më tani, ai është shprehur se ende nuk ka dalë as edhe një gjë e vetme për të ndryshuar mendim. Fethullah Gylenin e kanë kthyer në një tabelë qitjeje, të cilit mund t’i hidhet faji për çdo gjë të keqe që ka ndodhur në vend. Po mirë, t’ia hedhim atij të gjitha, por ka gjëra që hahen, ka gjëra që s’hahen. Të sjellin qoftë edhe një provë të vetme se këtë e ka bërë Gyleni, por jo, nuk e kanë prurë dot,” – ka përfunduar ai.
Mjaft interesante kanë qenë edhe reagimet e Deniz Bajkallit në rrjetin social Tëitter gjatë natës së përpjekjes për grusht shteti. Ai ka qenë ndër të parët që e ka cilësuar grushtin e shtetit një teatër të partisë për Zhvillim dhe Drejtësi. Disa prej tyre po i ndajmë edhe me ju:
- “Po i bëre grusht shteti Turqisë, popullit, atdheut, gjyqësorit dhe parlamentit, ushtria kombëtare ta bën puçin, do të thosha, por s’e bë”
- “I bënë puçin më të madh vendit me skenarin e grushtit të shtetit, duke u thënë njerëzve “o burra derdhuni rrugëve”, policin e vunë kundër ushtarit, popullin kundër njëri-tjetrit.”
- “Pas këtij shoë-i, 1) do i jepet fund Lëvizjes “Hizmet”, 2) do ridizenjohet ushtria, 3) do të shpallet republika presidenciale, 4) do t’i thyhet forca e rezistencës opozitë”
- “Mendoni pak një grusht shteti që ushtari ndikohet nga 20 veta me parrulla dhe braktis tankun.”
- “[Erdogani] I fitoi të gjitha zgjedhjet, ushtrinë e bëri si e deshi të vetën, e hëngri Lëvizjen, gjyqësorin e ktheu në qen besnik të vetin; vetëm puçi i kish mbetur pa u përballur, ja edhe këtë e bë”
