Në detyrën e Komandantit të Gardës, Ndrea Prendi ka qenë gjithashtu një prej personave të akuzuar për njërën prej vrasjeve te kryera në protestën e 21 janarit, ku katër qytetarë humbën jetën. Gjatë një interviste në emisionin “Opinion”, Prendi tha se në momentin që është goditur me automjet, Garda ka qenë pa mbrojtjen e policisë.
Gjithashtu Prendi tha se nga piramida ku ndodheshin protestuesit është qëlluar me armë zjarri, ndërsa pohoi se dritarja e zyrës së Kryeministrit është qëlluar me plumb blindshpues, duke qenë se ishte një dritare e blinduar.
Ish-komandat i Gardës së Republikës së Shqipërisë, Ndrea Prendi thotë që për protestën e 21 janarit kishte marrë tre letra me shkrim nga Departamenti kundër krimit të organizuar dhe krimeve të rënda, të cilat paralajmëronin situatën që mund të krijohej gjatë protestës.
Letrat kanë i qenë dërguar nga Interpoli gjerman Departamentit kundër krimit të organizuar, si dhe kishin marrë informacion nga burime kofidenciale.
Letra 1: Nga Interpol Gjermani kemi patur informacion se: “Sipas këtij mesazhi informohemi se organizata terroriste do të organizojnë sulme me lëndë kimike kundër instiucionit të Presidentit dhe Kuvendit në disa vende të ndryshme të Europës gjithashu edhe instituionet homologe në Shqipëri”.
Letra 2: Sipas informacionit që vjen nga burime kofidenciale informohemi që po përgatitet një atentat kundër kryeministrit të vendit. Kjo letër ka ardhur vetëm dy ditë para datës së demonstratës. Dhe për këtë do vinin snajpera dhe shqiptarë nga Gjermania.
Letra 3: Departamenti kundër krimit të organizuar: “Në lagjen nr. 1 dhe 2 në Tiranë po bëheshin pergatitje për lëvizje të paligjshme, do të ketë djem të moshës 25 vjeç nga rrethet, disa me probleme me drejtësinë. Këta persona do të presin sinjalin për t’u futur në Parlament. Më pas, do të shkojnë pranë shtëpisë së Kryeministrit dhe do të presin aty, derisa ai të vijë në shtëpi. Më vonë në afërsi të Ambasadës Italiane do të jenë të parkuara dy automjete me targa të huaja.
