Agron Malaj ish-komandant i Gardës, që drejtoi njësinë e ndërhyrjes dhe grupin e snajperëve, sot kryetar i PS-së Mat dhe drejtor i OSHEE-së, flet për herë të parë për vrasjene katër protestuesve
“Nuk ka dokumente të shkruara për “grupin e zjarrit”, kjo është shpikur më 24 janar nga drejtuesit e Gardës së Republikës”, kjo është deklarata e gardistit Agron Malaj, i pranishëm në grupin e gardistëve më 21 janar 2011. Agron Malaj është sot kryetar i PS-së së Matit dhe drejtor i OSHEE-së për Burrelin. Në një intervistë për gazetën “Panorama”, ish-komandanti i Gardës, që drejtoi njësinë e ndërhyrjes dhe grupin e snajperëve, thotë se: urdhëruesit dhe përgjegjësit e vrasjeve të 21 janarit janë në ish-kupolën e strukturave të larta të shtetit.
“Duke marrë shkas nga debatet e fundit në Parlament, dua të informoj gjithë shqiptarët se “grupi i zjarrit” nuk ka ekzistuar më 21 janar 2011.
Kjo gjë mund të verifikohet “Nuk ka ekzistuar ‘grupi i zjarrit’. Ai u shpik pas 21 janarit. Është vërtet për të ardhur keq se si ky repart apo ky grup është etiketuar “grupi i zjarrit”, nga persona dhe caqe të caktuara, për të shmangur gjithë atë situatë. Kjo bëhet nga njerëz që janë përgjegjës për ngjarjet e 21 janarit. Unë kam pasur në vartësi grupin e ndërhyrjes dhe grupin e snajperëve. Më 21 janar, ky seksion ishte në mbështetje të njësisë së dytë, te godina e Kryeministrisë”- thote ish-gardisti Agron Malaj.
