Presidenti i FIA-s, Jean Todt ka zbuluar se ai mbetet në kontakt të ngushtë me familjen e Michael Schumacher dhe ende e viziton dy herë në muaj ish-pilotin e e Ferrarit.
Dhe ndërsa shumë pak dihet për gjendjen e Schumacher pas aksidentit të tij të tmerrshëm në Alpet Franceze, Todt ka zbuluar se ai ende ka një lidhje të ngushtë me Schumacherin dhe familjen e tij.
“Unë e shoh Michaelin të paktën dy herë në muaj”, – i tha Corriere della Sera-s, kur u pyet nëse pandemia e COVID-19 kishte ndikuar në shëndetin e kampionit shtatë herë të botës.
“Nuk i lë vetëm as Michael-in, as Corinna-n. Kemi kaluar kaq shumë gjëra së bashku. Bukuria e asaj që kemi provuar është pjesë e jona dhe vazhdon”.
Më tej shtoi: “Unë e pashë Michael javën e kaluar. Ai po lufton”.
Todt dhe Schumacher krijuan një marrëdhënie të ngushtë për të ndihmuar Ferrari-n të regjistrojë një nga epokat më të sukseshme dhe dominuese të parë ndonjëherë në historinë e Formula 1.
Kujtojmë gjithashtu se sipas gruas së Schumacher, Corinna, përditësimet për gjendjen e yllit F1 kanë qenë të pakta me kërkesën e burrit të saj.
Por, ka patur lajme se Schumacher është ende duke marrë trajtimin e duhur me shpresën se ai mund t’i kthehet një ditë jetës normale.
/Albeu/
