Ish deputetja e PD, Lindita Metaliaj, ka njoftuar se në malin përgjatë aksit rrugor Balldre-Torovicë në Lezhë janë me dhjetra gurë të përmasave të mëdha që mund të bien nga momenti në moment e që rrezikojnë kalimtarët si dhe zonën e banuar në fshatin Torovicë.
Përmes një postimi në facebook, Metaliaj shkruan se alarmi për këtë situatë në këtë zonë jepet tashmë prej dy vitesh por autoritetet përgjegjëse nuk kanë marrë asnjë masë.
Postimi i plotë
“Në malin përgjatë aksit rrugor Balldre-Torovicë në Lezhë janë me dhjetra gurë të përmasave të mëdha që mund të bien nga momenti në moment e që rrezikojnë kalimtarët si dhe zonën e banuar në fshatin Torovicë. Alarmi për këtë situatë jepet tashmë prej dy vitesh por autoritetet përgjegjëse nuk kanë marrë asnjë masë për të frenuar fenomenin, për të parandaluar tragjedi të tjera si dhe për të garantuar jetën e banorëve të kësaj zone të lënë në harresë në mëshirë të fatit. Shteti inekzistent për zonën dhe banorët e Torovicës!”.
