Monika Kryemadhi ka reaguar në lidhje me arrestimin e ish-deputetit të Partisë Socialiste, Alqi Bllako. Ky i fundit u arrestua pas kërkesës së SPAK pas akuzave për shpërdorim detyre dhe korrupsion në lidhje me çështjen e inceneratorit të Fierit.
Përmes një story në Instragram, Kryemadhi nuk i ka kursyer ironitë, ndërsa shtron pyetjen se; “Kush e ka radhën?”. Në video shfaqet kryeashkiaku i Tiranës, Erjon Veliaj që vlerëson figurën e Bllakos, si një administrator ekzemplar, duke shtuar se pa ndihmën e tij nuk do ia kishte dalë.
“Nuk do ja kisha dalë pa mbështetjen tënde, pa gjetur një administrator ekzemplar në mënyrën se si ndihmon një njeri të politikës, fillimisht ta kuptojë gjënë, pastaj ta implementojë”, dëgjohet teksa i drejtohet Veliaj, ish-deputetit të PS-së, Bllako.
