Ish-deputeti i PD, Luçiano Boçi ka deklaruar se partia Bindja Demokratike kërkon të gjejë kandidatë për zgjedhjet lokale dhe sipas tij po përdor mesazhet nga zyra në drejtim të njerëzve të panjohur.
Ish deputeti ka publikuar një mesazh në “WhatsApp”, të cilin anëtarët e Partisë Bindja Demokratike ua dërgon njerëzve.
Postimi i plotë i Boçit:
Ja si BD “delfini” i mazhorancës dhe protektori i saj Rama, kërkojnë të gjejnë kandidatë për zgjedhjet lokale.
Dërgojnë sms kuturu, pa ditur as mendimin e as bindjen e tjetrit dhe i ofrojnë vendin.
Gjuajnë me sms e forma mesazhimi të tjera me qëllim që të kapin kë të kapin e të bërtasin më pas që po bëjmë zgjedhje.
Kush e ha e ha.
Tek e fundit këta nga zyrat i gjuajnë kandidatët, se mbështetës në terren nuk kanë ku të gjejnë.
