Sipas gazetës spanjolle “AS”, Real Madrid ka arritur marrëveshjen për rinovimin e mesfushorit Isco Alarcon, klauzola e të cilit do të jetë 700 milionë euro.
Pritet që rinovimi të bëhet zyrtar në ditët e ardhshme dhe kontrata e re e spanjollit do të skadojë pas 4 vitesh, me opsion për një vit të pestë. Paga që do të përfitojë Isco do të jetë 6 milionë euro në sezon.
Po sipas “AS”, Real Madrid ka një politikë të qartë përsa i përket klauzolave. Në klub nuk ka asnjë lojtar të skuadrës së parë me klauzolë më pak se 500 milionë euro, ndërsa në skuadrat e të rinjve ka disa futbollistë me klauzolë 300 milionë euro.
E gjithë kjo për të shmangur një rast të ngjashëm si ai i Neymar.
