Pianisti Genc Tukiçi ka njoftuar se koncertin që do të mbajë sopranoja me famë botërore Inva Mula më datë 16 nëntor në Vjenë.
Tukiçi ka njoftuar se koncerti do të mbledhë artistët shqiptarë më të famshëm në skenat botërore, si balerini Eno Peçi, i shoqëruar nga Volkhard Steude, Kuarteti i Filarmonisë Vjeneze dhe Maria Yakovleva, primabalerina e Operës Shtetërore të Vjenës.
“Kam nderin t’ ju ftoj në koncertin e datës 16 nëntor 2017, në sallën Moxart, në Vjënë, ora 19.00. Në këtë koncert do të jem përkrah muzikantëve dhe kërcimtarëve të shkëlqyer shqiptarë dhe austriakë. Në program do të ketë vepra nga më të bukurat e muzikës botërore dhe asaj shqiptare. Ju presim.të bëjmë muzikë për ju dhe bashkë me ju…”, ka lajmëruar Tukiçi.
Artistë të tjerë që do të perfomojnë me Inva Mulën në koncert janë pianisti Genc Tukiçi, baritoni Gezim Myshketa, violinisti Olen Cezari dhe disa emra të tjerë të njohur të muzikës shqipe nëpër botë. Koncerti ‘Vienna salutes to Tirana’ do të mbahet në radhën e organizimeve kulturore për nderë të bashkëpunimit të ri Austri-Shqipëri 2018.
