Internacionalja e të rinjve Socialiste është mbledhur sot në Tiranë, i pari aktivitet i kësaj përmase zhvilluar në Shqipëri.
Kryeministri, Edi Rama ka mbajtur një fjalim përshëndetës në këtë kongres të të rinjve të majtë evropian ku dhe përcolli mesazhin se politika është mjeti më i mirë për të sjellë diferencat.
“Dua të filloj me një citim të një aktivisti amerikan i cili tha: “Ai që mendon se është i vogël për të bërë një dallim asnjëhëerë nuk është pickuar nga një mushkonjë”. Unë vërtet besoj se kushdo mund të bëjë një diferencë pavarësisht nga përmasa dhe vendi ku ndodhet, por është e sigurt se politika është mjeti më i mirë për të sjellë diferencat dhe për të bashkuar forcat. Unë besoj se organizata rinore janë jetësore përsa i përket politikës dhe për përpjekejt e cdo komuniteti që shoqëria të ndryshojë”, tha Rama.
Kryetari i Kuvendit Ilir Meta, e përshëndeti gjtihashtu kongresine të rinjve socilaistë ku theksoi se Kongresi I Internacionales së të rinjve të majtë në Tiranë, kishte qënë ëndrra e tij vite më pare. “Sot është një ëndër që bëhet realitet. Jeni një komunitet me të rinjë që punoni për drejtësinë sociale. Këto parime kërcënohen nga sfidat që refuzohen nga injoranca dhe kjo gjë është në një rrezik të madh. Disa vende përballen me këto sfida”, tha Meta
Në këtë kongres do të marrin pjesë mbi 81 organizata nga 55 vende të ndryshme të botës dhe mbi 230 delegatë.
