Inter ka siguruar një fitore shumë të rëndësishme për sa i përket garës për kualifikimin në Champions League. Klubi zikaltër ka triumfuar me shifrat tre me një përballë ekipit të Lazios, në sfidën e luajtur në Stadio San Siro, të vlefshme për javën e 32-të të Serisë A.
Pas avantazhit fillestar të kryeqytetasve, të realizuar nga Felipe Anderson (30’), Interi barazoi gjithçka, vetëm në pjesën e dytë. Në minutën e 77’, ishte Lautaro “El Toro” Martinez, ai që shënoi golin e baraspeshës. Kur pritej që gjithçka të mbyllej “X”, ishte gjermani Robin Gosens që ngriti peshë stadiumin me golin e tij, në minutën e 83’ të takimit.
Me një Lazio që nuk kishte më asgjë për të humbur, Interi gjeti hapësira, të cilat i shfrytëzoi në maksimum. Lautaro Martinez, realizoi në minutën e 90’ pas rishikimit nga VAR.
Me këtë fitore, Inter shkon në kuotën e 57 pikëve, në vend të katërt, ndërsa Lazio rrezikon tashmë dhe vendin e dytë, duke parë që Juventus ka mundësi, me një fitore që ta zbresë ekipin kryeqytetas nga kjo pozitë. Gjithashtu, falë kësaj fitoreje të Interit, gëzon edhe Napoli, i cili me një triumf ndaj Salernitanës (duel që starton në orën 15:00), mund të shpallet matematikisht kampion i Serisë A. /m.b /gijotina.com
Inter ka siguruar një fitore shumë të rëndësishme për sa i përket garës për kualifikimin në Champions League. Klubi zikaltër ka triumfuar me shifrat tre me një përballë ekipit të Lazios, në sfidën e luajtur në Stadio San Siro, të vlefshme për javën e 32-të të Serisë A.
Pas avantazhit fillestar të kryeqytetasve, të realizuar nga Felipe Anderson (30’), Interi barazoi gjithçka, vetëm në pjesën e dytë. Në minutën e 77’, ishte Lautaro “El Toro” Martinez, ai që shënoi golin e baraspeshës. Kur pritej që gjithçka të mbyllej “X”, ishte gjermani Robin Gosens që ngriti peshë stadiumin me golin e tij, në minutën e 83’ të takimit.
Me një Lazio që nuk kishte më asgjë për të humbur, Interi gjeti hapësira, të cilat i shfrytëzoi në maksimum. Lautaro Martinez, realizoi në minutën e 90’ pas rishikimit nga VAR.
Me këtë fitore, Inter shkon në kuotën e 57 pikëve, në vend të katërt, ndërsa Lazio rrezikon tashmë dhe vendin e dytë, duke parë që Juventus ka mundësi, me një fitore që ta zbresë ekipin kryeqytetas nga kjo pozitë. Gjithashtu, falë kësaj fitoreje të Interit, gëzon edhe Napoli, i cili me një triumf ndaj Salernitanës (duel që starton në orën 15:00), mund të shpallet matematikisht kampion i Serisë A. /m.b /gijotina.com
