Ministri për Europën e Punët e Jashtme, Ditmir Bushati në një konferencë të përbashkët me Shefen e politikës së Jashtme, Federica Mogherini, deklaroi se është shpresëplotë që viti 2018 të jetë vendimtar për çeljen e bisedimeve me BE-në.
“E di që media shqiptare është e interesuar për rezultatet e këtij takimi të 9, por edhe për rrugën përpara. Sa i takon zbatimit të stabilizim asoocimit, ne patëm mundësi që të shkëmbenim pikëpamje në procesin e zbatimit të marrëveshjes.
Siç dihet Shqipëria ka nisur punën teknike sa i takon detyrimeve që do të burojnë nga negociatat menjëherë pasi në 2016-ën BE rekomandoi fillimin e bisedimeve. Presim që viti 2018 të jetë vendimtar për Shqipërinë dhe besojmë se hapja e bisedimeve do të sigurohej më tej një sens orientimi në transformin europianizues që kemi ndërmarrë. Reforma në drejtësi që po zbatojmë është një mundësi unike, pasi i ka dhënë një rol të paprecedentë nga pikëpamja morale dhe profesionale. Ne diskutuam gjithashtu për rezultatet e realizuara për krimin e organizuar, për trafikun e kanabisit. Që janë rezultat i punës së përbashkët me ndërkombëtarët. Kjo dëshmon vullnetin tonë për të rrënjosur sundimin e ligjit në ekonomi. Ne besojmë se përbëjmë një bazë solide të BE.
Sa i takon klimës në rajon, falenderojmë Moherinin. Në emër të qeverisë shqiptare konfirmova vullnetin tonë për të qenë partnerë luajalë. Dua të vlerësojë gjithashtu në emër të kryeministri Rama, mesazhet e presidentit Juncer në Parlamentin Europian.”, tha Bushati.
