Presidenti i FSHF-së Armand Duka këtë të premte ka inspektuar punimet, në “Arenën Kombëtare”, që sipas parashikimeve stadiumi do të jetë gati për të pritur ndeshje futbolli në fundin e vitit 2018.
“Punimet gjithashtu po ecin sipas parashikimeve, kualiteti i tyre është i nivelit të lartë. Kam bindjen se kontraktori që ne kemi për ndërtimin e stadiumit , brenda fundit të 2018 ky impiant do të jetë gati për të pritur ndeshjet e futbollit shqiptare” u shpreh Armand Duka
Duka tha se “Arena Kombëtare” do kandidojë sërish në vitin 2020:
“Ishim të ndërgjegjshëm se ishte një garë e vështirë sepse ishim i vetmi vend që konkuronim me një projekt jo me një stadium të mbaruar, shpresoj të na ketë dhënë shansin të jemi konkurent më të denjë pasi të kemi stadiumin e mbaruar për 2020” shton Duka
