Infermierja nga fshati Kallmet, e cila ndodhet në terapi intensive në spitalin Infektiv në Tiranë është rasti i parë me Covid-19 në qytetin e Lezhës.
Familjarët e infermieres janë të vetëdijshëm dhe menjëherë sapo kanë marrë vesh se një i afërm i tyre ka rezultuar pozitiv janë vetëkarantinuar në shtëpinë e tyre.
Gjendja e tyre shëndetësore nuk ka shfaqur probleme deri tani dhe pritet rezultati i analizave i cili do të konfirmojë nëse ka të tjerë të infektuar nga personat e kontaktit të infermieres si në familje dhe në stafin mjekësor ose jo.
Pas konfirmimit të infermieres me covid-19, poliklinika e Lezhës, e cila është kthyer në qendër shëndetësore, është dezinfektuar ditën e djeshme, dhe janë të mbyllura për publikun, ndërkohë stafit mjekësor që ka patur më tepër kontakt me infermieren, i është kërkuar të vetëkarantinohen.
Edhe në spitalin e Lezhës ku infermierja ka qenë e shtruar, mjekët dhe infermierët që i kanë shërbyer gjatë kohës së qëndrimit të saj në spital, janë vetëkarantinuar si një masë parandaluese.
