Infektohen me COVID edhe tre persona të tjerë nga personeli shëndetësor

Në vendin tonë, në 24 orët e fundit janë konfirmuar edhe 13 raste të reja me koronavirus. Numri i të infektuarve në total rritet në 1,197. Rastet e reja janë regjistruar: 11 në Tiranë, 1 në Krujë dhe 1 në Shkodër.

Raportohet se mes 13 të infektuarve, tre janë personel shëndetësor, nga 39 të testuar, kontakte të rasteve të mëparshme pozitive.

Ministria e Shëndetësisë, njoftoi se gjatë 24 orëve të fundit janë identifikuar disa raste të reja për të cilat po vijon hetimi epidemiologjik.

Shpërndarja gjeografike e rasteve aktive është si vijon:

Tiranë           183

Krujë             23

Durrës           15

Kamëz            12

Shkodër         11

Mat                 9

Lushnje           6

Berat               2

Fier                 2

Korçë              1

Librazhd          1

Mallakastër     1