Kryetarja e Komisionit Hetimor për Inceneratorët, Jorida Tabaku ka publikuar dëshminë që administratori i inceneratorit të Fierit Arenc Myrtezani, ka dhënë një ditë më parë para këtij komisioni.
Sipas Tabakut, Myrtezani rezulton në tatime se paguhet 900 mijë lekë edhe pse e mohoi një gjë të tillë, ndërsa shton se nëse këto para nuk shkojnë tek ai, atëherë ky fakt mjafton për të treguar si janë vjedhur paratë e shqiptarëve.
“Administratori i inceneratorit të Fierit, Arenc Myrtezani, rezulton në tatime se paguhet 900 mijë lekë. Ai e mohoi një pagë të tillë. Po kush i merr ato para? Mjafton ky fakt për të treguar se si janë vjedhur paratë e shqiptarëve. Se si me bekimin e ministrave e zyrtarëve të tjerë, janë pastruar paratë në këtë mega aferë korruptive. Arben Ahmetaj, Damjan Gjiknuri, Ëngjëll Agaçi, Alqi Bllako, duhet të ishin me Lefter Kokën. Por natyrisht koka e vërtetë e kesaj vjedhje është Edi Rama. Asgjë nuk do të ishte e mundur pa dijeninë dhe miratimin e Edi Ramës. Edi Rama është i korruptuar. Qeveria e tij është e korruptuar. Me këta në krye, Shqipëria nuk mund të ketë zhvillim. Shqiptarët duhet ta braktisin të shkuarën dhe të korruptuarit!”, shkruan Tabaku.
