Pas përfundimit të “Big Brother VIP” konkurrentet janë parë në shoqërinë e njëri-tjetrit nëpër evenimente dhe darka të ndryshme që ata kanë organizuar. Mbrëmjen e djeshme, Ilir Shaqiri fitues i këtij edicioni ndau në “Instastory” disa foto në shoqërinë e disa prej banorëve duke darkuar së bashku.
Ai shihej në shoqërinë e aktores Arjola Demirit, Valon Shehut, Sheila Haxhiraj, Ardit Cuni, Palomës, Arbrit, Sabianit e Meridianit të cilët përmes këngëve dhe kërcimit kënaqeshin me njëri-tjetrin.
Por nga një vëzhgim i shpejtë, ajo që bëri përshtypje ishte fakti se të gjithë ata banorë që janë shfaqur më të afërt me konkurrentin më të fortë përballë tij Donald Veshaj, nuk ishin pjesë e darkës që Iliri kishte përgatiur për miqtë e tij më të ngushtë.
Tashmë ata janë ndarë në dy kampe, “Team Ilir” dhe “Team Donald”, duke mos i lënë pas edhe kunjat e shpeshta ndaj njëri-tjetrit.
Kujtojmë se, të gjithë ata që ishin pjesë e darkës së tij mbrëmë kanë shprehur mbështetje të hapur ndaj balerinit, edhe gjatë natës së finales.
